Posts

Showing posts from April, 2023

146 - Twae Wangu Uzima

146 - Twae Wangu Uzima "Take My Life" 1. Twae wangu uzima, Sadaka ya daima; Twae saa na usiku, Zikutukuze huku. 2. Twae mikono nayo, Ifanye upendavyo, Twae yangu miguu, Kwa wongozi wako tu. 3. Twae sauti yangu, Niimbe kwa Mungu tu; Itwae na midomo, Ijae neno lako. 4. Twae dhahabu pia, Na yote ya dunia; Twae yangu hekima, Upendavyo tumia. 5. Nia itwae, Mungu, Haitakuwa yangu; Twae moyo; ni wako, Uwezo makazi yako. 6. Twae mapenzi yangu, Sifa za moyo wangu; Twae kabisa nafsi, Niwe wako halisi (Amina)

147 - Uishi Ndani Yangu

  147 - Uishi Ndani Yangu "Live Out Thy Life Within Me" 1. Tawala ndani yangu, Ee Yesu, Mfalme.  Uwe kwangu majibu Kwa maswala yangu; Uishi ndani yangu, Wewe, mwongozi Utumishi ni wangu, Wako utukufu. 2. Hekalu nimetoa, Umelisafisha; Sasa fahari yako Imulike ndani; Dunia iwe kimya, Mwili sasa uwe  Mtumwa mtulivu Wa kukutii tu.  3. Viungo vyake mwili, Vyote vikungoja  Tayari vikiitwa Kwenda, kusimama;  Bila manung`uniko Au malaumu,  Au kusumbuliwa, Pasipo majuto. 4. Niwe na utulivu Pasipo haraka;  Tayari kungojea Maagizo yake.  Tawala ndani yangu. Ee Yesu, Mfalme,  Uwe kwangu majibu Kwa maswali yote.  (Amina)

148 - Univute Karibu

  148 - Univute Karibu "Close To THee My Father Draw Me" 1. Univute karibu, Baba, Unikumbatie;  Unisongeze kifuani, Nataka pumziko.   Univute karibu (Vuta, univute karibu)    Kwa kamba za upendo, (Kwa kamba, kamba za upendo)    Univute (Kwa kamba za upendo, Univute karibu)   Karibu nawe. (Univute karibu) 2. Univute Mwokozi wangu, Na tusiachane;  Mikono yako juu yangu Leo niione. 3. Univute kwa Roho yako, Nifanane nawe;  Unioshe, unihuishe, Niwe safi, huru. (Amina)

149 - Kuwa Wake Yesu

149 - Kuwa Wake Yesu "Would You Live For Jesus" 1. Kuwa  wake Yesu, Je! Ni kusudi lako? Ungeenda naye njia nyembamba? Unataka aubebe mzigo wako? Awe Mwongozi wako. Uwezo wake unakutosha Na damu yake itakusafi; Kwa vile ukubali ni bora Afanye mapenzi yake nawe. 2. Unataka kuitika anapokwita? Kupata amani kwa kumpa vyote? Wataka uwezo usianguke kamwe? Awe Mwongozi wako. 3. Wataka raha katika ufalme wake? Ungeshinda kwa majaribu yote? Ungefanya kazi yake vizuri sana? Awe Mwongozi wako. (Amina)

150 - Hacha, Maneno Mabaya Yasitoke

 150 - Hacha, Maneno Mabaya Yasitoke "Angry Words Oh!, Let Them Never" 1. Hacha, maneno mabaya Yasitoke Kinywani  Moyo mwema uzuie Ndimi, zisichafuke "Nanyi pendeni", Asema Yesu,   (mpendane) (mpendane)   Kama mwanzo alivyotupenda: "Nanyi pendeni", Asema Yesu,   (mpendane) (mpendane) Wana, tiini amri hii. (amri heri hii).  2. Pendo ni mtakatifu; Urafiki: mzuri:  Visiharibike mara Kwa kunena vibaya. 3. Tusinene kwa hasira, Inazaa huzuni.  Pendo lako, ee Mwokozi, Inatosha tushinde. (Amina)

151 - Huniongoza Mwokozi

  151 - Huniongoza Mwokozi "He Leadeth Me" 1. Huniongoza Mwokozi, ndipo nami hufurahi,  Niendapo pote napo, ataniongoza papo. Kuongoza hunishika; kwa mkono wa hakika;  Nitaandamana naye Kristo aniongozaye. 2. Pengine ni mashakani nami pengine rahani;  Ni radhi, ijapo yote, yupo nami siku zote. 3. Mkono akinishika kamwe sitanung`unika;  Atakachoniletea ni tayari kupokea. 4. Nikiisha kazi chini sitakimbia mauti;  Kuishinda ni ya hakika nikiongozwa na Baba. (Amina)

152 - Karibu Na Wewe, Mungu Wangu

152 - Karibu Na Wewe, Mungu Wangu "Nearer My God To THee" 1. Karibu na wewe, Mungu wangu; Karibu zaidi, Bwana Wangu. Siku zote niwe karibu na wewe, Karibu zaidi, Mungu wangu. 2. Mimi nasafiri duniani, Pa kupumzika sipaoni, Nilalapo niwe karibu na wewe, Karibu zaidi, Mungu wangu. 3. Yote unipayo yanivuta; Pa kukaribia nitapata; Na nielekezwe karibu na wewe; Karibu zaidi, Mungu wangu. 4. Na kwa nguvu zangu nikusifu, Mwamba, uwe maji ya wokovu; Mashakani niwe, karibu na wewe, Karibu zaid, Mungu wangu. 5. Na nyumbani mwa juu, Baba yangu; Nikinyakuliwa toka huko, Kwa furaha niwe pamoja na wewe, Karibu zaidi Mungu wangu. (Amina)

153 - Fikira Moja Tu

153 - Fikira Moja Tu "One Sweetly Soloemn Thought" 1. Fikira moja tu  Hurejea tena;  Nimekaribia mbingu Zaidi ya jana. Karibu na kwetu mbingu,  Karibu na kwetu sasa,   Nikwone karibu. 2. Karibu na kwetu Na kwenye makao;  Kiti cha enzi cha Mungu, Pahali pa mto. 3. Kamilisha, Yesu, Kuamini kwangu;  Nikifika mwisho wangu, Nikwone karibu. (Amina)

154 - Yanipasa Kuwa Naye

 154 - Yanipasa Kuwa Naye "I Must Have The Saviour With Me" 1. Yanipasa kuwa naye, Mwokozi Bwana wangu.  Akiwa karibu nami, napata nguvu kweli. Moyo hauogopi, wala kutikisika.  Nitakwenda apendapo, kwa kuwa anilinda. 2. Yanipasa kuwa naye, kwani nategemea;  Anaweza kufariji na maneno matamu. 3. Yanipasa kuwa naye maisha yangu yote;  Yakiwapo majaribu na mashaka yo yote. 4. Yanipasa kuwa naye katika njia zangu;  Macho yake yaongoza hatua zangu zote. (Amina)

155 - Njiani Huniongoza

155 - Njiani Huniongoza "All The Way My Saviour Leads" 1. Njiani huniongoza Yesu wangu, Mwokozi:  Rehema hatapunguza, Milele Kiongozi.  Ina raha kwandamana Duniani daima: Nijaposumbuka sana, yeye hutenda vyema. 2. Njiani huniongoza Hupunguza matata;  Nikiungua hupoza. Na njaani nashiba.  Lichokapo guu langu Nguvu zikapungua.  Jiwe lilo mbele yangu hunibubujika. 3. Njiani huniongoza Kwa pendo zilizo kuu, Mwisho atanituliza Kwake Baba yangu juu, Nikivikwa kutokufa, Nikae na Mwokozi,  Nitamsifu sana; sifa: " Kweli ni Kiongozi."  (Amina)

156 - Uniongoze Jehova

156 - Uniongoze Jehova "Guide Me O Thou Great Jehovah" 1. Uniongoze, Yehova, Ni msafiri chini; Ni mnyonge, u hodari, `Nilinde kwa mkono.  Unitunze, unilinde, Unionyeshe njia! 2. Na kisima cha uzima, Maji ya utabibu,  Fungua kwa moyo wangu, Ninywe na kuponyeka!  Uninyweshe, unilishe, Hata nimetosheka. 3. Wakati wa kuuvuta, Ule mto Yordani,  Hofu yangu ufariji, `Nione uso wako.  Nyimbo shangwe, nyimbo shangwe, Nitaimba daima. (Amina)

157 - Mfalme Yu Mlangoni

  157 - Mfalme Yu Mlangoni "The Coming King" 1. Mfalme yu mlangoni, Ndiye aliyetufia;  Mara wote wampendao atawakusanya. Yuaja, yuaja, mlangoni anasimama;  Anakuja, anakuja, Kuja kwake karibu. 2. Dalili za kuja kwake Zinazidi kutimizwa;  Karibu wateule watamlaki Bwana. 3. `Sitafute duniani amani wala furaha, Mpaka Bwana arudi dhambi kuondoa. 4. Tutakaa na Mwokozi Makaoni ya milele;  Daima tutafurahi kuwa watu wake. (Amina)

158 - U Mwendo Gani Nyumbani?

 158 - U Mwendo Gani Nyumbani? "How Far From Home?" 1. U mwendo gain nyumbani? Mlinzi akanijibu,  "Usiku sasa waisha, macheo karibu." Usihuzunike tena, bali ulemee mwendo  Hata ushike ufalme kule mwangani juu.  2 Na tena niliuliza, nchi yote ikajibu;  "Sasa mwendo watimika, milele karibu."  Usihuzunike tena, ishara kuu zasonga  Na viumbe vyangojea sauti ya Bwana. 3 Nikamwuliza shujaa, ndivyo kanitia moyo: "Shikilia mapigano, kitambo yaisha."  Usihuzunike tena, kazi ifanywe kwa moyo;  Tumeahidiwa tunu tuishapo shinda. 4 Siyo mbali na nyumbani! Fikira tamu njiani, Latupoza roho, nalo lafuta machozi. Usihuzunike tena, kitambo tutakutana  Wenye furaha kamili nyumbani mwa Baba (Amina)

159 - Anakuja Upesi

159 - Anakuja Upesi "How Sweet Are The Tidings" 1. Anakuja upesi, Yesu Bwana wetu, Msafiri  mbali na kwao; Alisema dhahiri, "Nitakuja tena";  Amina; na uje, E Bwana.  Yuaja, Yesu atarudi sasa; Anakuja duniani. Wasafiri wote watapumzika, Yesu anaporudi tena. 2. Makaburi yote wafu wanapolala, Yatafunguliwa tena; Na mamilioni pale wataondoka tena, Wasione machozi kamwe. 3. Hatutatengana na hao tena huko; Nyimbo nzuri tutaimba. Watakusanyika `toka kila kabila, Miguuni pa Mwana-Kondoo. 4. Aleluya Amin! Aleluya tena! Upendo wake unashinda! Tutamsifu milele, hata tutashangaa, Jinsi alivyotukomboa. (Amina)

160 - Watakatifu Kesheni

 160 - Watakatifu Kesheni    "Watch Ye Saints" 1. Watakatifu kesheni, nguvu za mbingu zagonga;  Washeni taa tayari kwa kurudi kwake Bwana. Yuaja, Yesu Mfalme, Yuaja mwenye fahari,  Yesu yuaja enzini Karibu Yesu, uje. 2. Piga mbiu, tangazeni habari ya ukombozi.  Ya Mponya wa upendo nayo nguvu ya samaha. 3. Falme nyingi zaangushwa, Panda ya saba hulia;  Tanga neema yake kabla ya kupita saa. 4. Mataifa yapotea, nchi zajaa uchungu:  Kristo anaharakisha, Unabii unatimizwa. 5. Wenye dhambi njoni sasa Kristo awapatanishe,  Mbio twaeni neema, kitambo muda waisha. (Amina)

161 - Piga Panda

161 - Piga Panda "Lift Up THe Trumpet" 1. Piga panda na ya makelele; Yesu yuaja tena!  Ipaze sauti, imba sana; Yesu yuaja tena! Anakuja, anakuja; Yesu yuaja tena! 2. Itoe mwangwi sana vilima; Yesu yuaja tena!  Yuaja kwa utukufu mwingi, Yesu yuaja tena! 3. Itangaze mahali po pote, Yesu yuaja tena!  Mwokozi aliyetufilia, Yesu yuaja tena! 4. Kuona machafuko twajua Yesu yuaja tena!  Mataifa yakasiriana, Yesu yuaja tena! 5. Maradhi, hofu hutuhubiri Yesu yuaja tena!  Taabu, njaa hutulilia Yesu yuaja tena! (Amina)

162 - Tumaini Liko

  162 - Tumaini Liko "There Is A Blessed Hope" 1. Tumaini liko La thamani kuu, Kupita anasa tupu zake ulimwengu.  2. Pana nyota nzuri: Nuru itoayo, Kwetu wakati wa kifo Ndio ufufuo.  3. Zikiumwa roho Na hofu, mashaka, Sauti hutuambia Mungu hutupenda.  4. Kutoka Kalwari Sauti hunena; Nyota ni nuru ya mbingu, Tumaini letu.  (Amina)

163 - Anakuja Bwana Yesu

163 - Anakuja Bwana Yesu "It May Be Morn" 1. Pengine ni saa ya kupambazuka, Mishale ya jua ipenyapo giza, Kwamba atakuja Yesu mtukufu, Awapokee wake.  Bwana itakuwa lini Tutapoimba, "Anakuja, Bwana Yesu, Aleluya, Amin, Aleluya, Amin?" 2. Pengine mchana, pengine jioni, Pengine usiku wa manane, giza, Itatoweka kwa fahari akija, Awapokee wake.  3. Majeshi yake yataimba "Hosana," Na watakatifu waliotukuzwa, Watamsifu kwa kuwa amekuja, Awapokee wake.  4. Furaha tukiitwa pasipo kufa, Pasipo kuona maradhi, machozi; Kuchukuliwa winguni kwa fahari, Akija kwa watu wake.   (Amina)

164 - Mishale Ya Nuru

164 - Mishale Ya Nuru "Gleams Of The Golden Morning" 1. Unakaribia wakati wa Kuja kwa Yesu.  Atawachukua watu wake Nyumbani juu.  Tunaiona mishale ya nuru Inayopenya giza;  Tunaiona mishale ya nuru Ya ufunuo.  2. Injili inatangazwa pote kwa mataifa;  Bwana wa Arusi atakuja Na tarumbeta.  3. Pamoja na malaika zake Bwana arudi,  Awapeleke waaminifu Wasife tena.  4. Wapenzi waliotengwa kale Watakutana;  Machozi yao wenye huzuni Yatafutika.   (Amina)

165 - Ahadi Tamu

165 - Ahadi Tamu "Hold Fast Till I Come" 1. Ahadi tamu kwa waamini,  Tazama nakuja upesi sana.  Uwe imara, hatari kubwa:  Ndugu usilale, bali ukeshe.  Uihifadhi imani yako, Dunia mpya itatolewa  Njoo ingia furaha yangu;  Taji zinangoja; Uwe imara.  2. Tatakesha na kutoa sala;  Atakuja kama mwivi kwa wengi;  Ya kwamba yu karibu twajua, Ila hatujui ni siku gani.  3. Tunategemea Neno lake, Ambalo latangaza kuja kwake, Tumaini letu ni ahadi: "Naja karibuni, uwe imara."   (Amina)

166 - Furaha Kwa Ulimwengu

166 - Furaha Kwa Ulimwengu "Joy To The World" 1. Furaha kwa ulimwengu, Bwana atakuja!  Kila moyo umpokee, Viumbe imbeni,  Viumbe imbeni, Viumbe vyote imbeni.  2. Na Bwana atatawala: Watu na waimbe;  Mit, milima na mawe Kariri furaha,  Kariri furaha, Kariri furaha kubwa.  3. Atatawala kwa wema; Atawafundisha  Mataifa haki yake, Ajabu za pendo,  Ajabu za pendo, Ajabu za pendo lake.    (Amina)

167 - Yu Hai, Yu Hai

167 - Yu Hai, Yu Hai "He Lives, He Lives" 1. Yesu Bwana Mwokozi aishi milele,  Najua kwamba Yupo pamoja na mimi;  Sauti nasikia, Rehema naona;  Wakati namhitaji, yupo nami.  Yu hai, Yu hai,Yu hai Bwana Yesu!  Atembea, azungumza nami siku zote.  Yu hai, Yu hai, kutoa uzima!  Hivi ndivyo nijuavyo,  Yu hai ndani yangu!  2. Ulinzi Wake upo naona dhahiri,  Miguu ichokapo, sikati tamaa; Najua an`ongoza kupota dhoruba,  Siku ya kuja kwake nitamwona. (Amina)

168 - Tarumbeta Ya Mwana

 168 - Tarumbeta Ya Mwana "When The Roll Is Called Up Yonder" 1. Tarumbeta ya mwana itakapolia mara, Milele itakapopambazuka, Nao wa haki watakapokusanyika ng`ambo, Majina yaitwapo, lo! - niweko. Majina yaitwapo, lo! - Majina yaitwapo, lo! - Majina yaitwapo, lo! - Majina yaitwapo, lo! - Niweko.  2. Siku ile watakatifu watakapoamka, Na kuondoka huru kaburini; Watakapokusanyika makaoni kule juu, Majina yaitwapo, lo! - niweko. 3. Tutende kazi kwa yesu mchana kutwa kwa bidii, Tutangaze kote pendo lake kuu; Nayo kazi itakapotimika hap chini, Majina yaitwapo, lo! - niweko. (Amina)

169 - Tutashindaje Hukumuni?

 169 - Tutashindaje Hukumuni? "When Jesus Shall Gather" 1. Hapo Yesu atakapoita mataifa mbele yake,  Tutashindaje kwenye hukumu mbele ya kiti cha enzi?  Atakusanya ngano ghalani, atatupambali makapo;  Tutashindaje hukumuni siku kuu ya kiyama?  2. Je, tutasikua neno tamu: "vema, wewe mtumwa mwema,"  Ama wenye uchunguna hofu tutakatazwa ufalme?  3. Atakubali tu kwa furaha watoto wake wapendwa,  Atawapa mavazi meupe, wakea tayari kumlaki.  4. Hivyo tukeshe, nasi tungoje, wenye taa zinazo waka;  Tutakapoitwa arusini tuwe tayari kumlaki.  5. Roho ikielekea mbingu twangoja wenye saburi,  Hata safari yetu iishe, tukae kwake milele. (Amina)

170 - Jina Langu Limeandikwa Je?

 170 - Jina Langu Limeandikwa Je? "Lord I Care Not For The Riches" 1. Sitafuti mali, wala utajiri; Nataka kwa yakini nipate Mwokozi. Chuoni mwa Ufalme, niambie Yesu, Jina langu yakini limeandikwa, je?  Limeandikwa, je? Jina langu huko?  Kitabuni mbinguni, limeandikwa, je? 2. Dhambi zangu ni nyingi, ni kama mchanga, Lakini damu yako, Mwokozi, yatosha; Kwani umeahidi: zijapo nyekundu Zitakuwa nyeupe ilivyo theluji.  3. Mji mzuri sana, wa majumba makuu, Walipo malaika, mji bila ovu; Wakaapo walio na mavazi safi, Limeandikwa sasa, jina langu huko?  (Amina)